د فرانسې د چپ ګوند مرکزي دفتر د بم ګواښ له امله تخلیه شو
د «فرانسه تسليمناپذير» په نوم د چپکره ګوند ويلي چې د دغه ګوند مرکزي دفتر په پلازمېنه پاريس کې د بمايښودنې له يو ګواښ وروسته تخليه شوی دی. د خپرو شوو راپورونو له مخې، دا پرېکړه د ګوند د کارکوونکو او غړو د امنيت د خوندي کولو په موخه ترسره شوې ده.
د خبري سرچينو د راپورونو له مخې، له ګواښ وروسته امنيتي ځواکونه سيمې ته ورسېدل او ودانۍ يې تخليه کړه. تر دې دمه د ګواښ د نوعيت او د امنيتي پلټنو د پايلو په اړه نور جزئيات نه دي خپاره شوي.
دا پېښه په داسې حال کې رامنځته کېږي چې د فرانسې سياسي فضا په وروستيو اوونيو کې د چپ او ښيپالو ترمنځ د تنش د زياتېدو شاهد دی. تر دې وړاندې، د يو زدهکوونکي پر وړاندې بريد چې د هغه د مرګ لامل شو، پراخ غبرګونونه پارولي وو.
له هغې پېښې وروسته، ځينو ښيپالو ډلو د «فرانسه تسليمناپذير» ګوند د دې وژنې په تور تورن کړی، يوه ادعا چې د فرانسې په سياسي فضا کې ګرمه موضوع ګرځېدلې ده. خو تر اوسه د دې تنشونو او وروستي ګواښ ترمنځ د احتمالي تړاو په اړه رسمي معلومات نه دي خپاره شوي.
